ШҚО-да төрт балалы отбасы баспанасыз қалды
ШҚО-ның Алтай ауданында төрт балалы отбасы әп-сәтте баспанасыз қалды. Отанасы жанып жатқан үйдің терезесінен шығып үлгерген, деп хабарлайды Алтайньюс тілшісі.
Өткен жексенбі күні Алтайда жер үй өртенді.
– Жалын бірден қаулап кетті. Есіктен шығу мүмкін болмады. Сол себепті газ баллонын алып, терезеден секірдім, – дейді төрт баланың анасы Анна Баева.
Абырой болғанда, көршілер көмекке келіп үлгерді. Аннаның терезеден шығып, аман қалуы да ауылдастардың арқасы. Көңілге жұбаныш болар жайт – өрт шыққан кезде төрт бүлдіршін де үйде болмаған, ата-апасының үйіне кеткен екен. Айтпақшы, төртеуі де – кестетігер. Алғашқы екеуі – бастауыш сыныпта оқиды, ал егіздер небары үш жаста.
ТЖБ-ның бас маманы Анатолий Яковлев:
– Өрттің шығу себебі – электр жабдықтарын пайдалану кезінде қауіпсіздік ережелерін бұзу, – деп түсіндірді.
Баспанасыз қалған Баевтар әзірше туған-туыстың үйін қонақтауда. Куәгерлердің айтуынша, өртенген үйіді қалпына келтіру екі талай. Ішінде сау-тамтық жоқ көрінеді.
Көпбалалы отбасыға көптеп-көмектеп қол ұшын созамыз деген жандар болса, Анна Баеваның өзіне хабарласа алады: 8-771-913-91-04.