Алдағы тәуліктерде ауа температурасы жоғарылай түседі, деп хабарлайды Алтайньюс тілшісі.

«Қазгидромет» РМК мамандары 12-14 ақпан күндері ауа райы қалай өзгеретіндігі жайында мәлімдеді.

– Ел көлемінде температураның уақытша төмендеуіне себеп болған солтүстік-шығыс тропосфералық ағындары батысқа және  оңтүстік-батысқа ауысты. Сондықтан алдағы үш тәулікте Қазақстанда ауа температурасы климаттық мәнге жақын болады, яғни күн жылына бастайды, – деп хабарлайды синоптиктер.

Мамандардың айтуынша, бұл күндері республика аумағында циклон жылжып, оңтүстік және оңтүстік-шығыста ауа температурасының жоғарылауына және жауын-шашынға себеп болады.

Ал Қазақстанның қалған аймағында антициклонның ықпалынан жауын-шашын болмайды.