Самар тас жолында болған жол апатының бейнежазбасы әлеуметтік желіде таралып жатыр, деп хабарлайды Алтайньюс тілшісі.

Оқиға 7 қаңтар күні сағат 16.00-де болды. Тайынты ауылынан 15 шақырым жерде ВАЗ жеңіл автокөлігінің 54 жастағы жүргізушісі қауіпсіз жылдамдықты асырып, көлік тізгініне ие бола алмай қалған. Нәтижесінде қарама-қарсы бағытта келе жатқан "Toyota Alfred" автокөлігімен соқтығысады.

Жол апатының салдарынан ВАЗ маркалы автокөліктің жүргізушісі мен үш жолаушысы, сондай-ақ, "Toyota Alfred" автокөлігінің бір жолаушысы жарақат алып отыр. Адам шығыны жоқ.

54 жастағы жүргізушіге қатысты әкімшілік хаттама толтырылды.