«Қазгидромет» Шығыс Қазақстан филиалының мәліметінше, 23 қарашада өңірдің солтүстік және оңтүстік аймақтарында бұрқасын болуы мүмкін. Солтүстік-батыстан соғатын желдің екпіні облыстың шығысы мен оңтүстігінде 15-20 м/с-қа дейін күшейеді деп болжануда.

ШҚО Төтенше жағдайлар департаменті қауіпсіздік шараларын сақтауды ұсынады:  
- Елді мекендерден себепсіз шықпаңыз.  
- Көлікпен жолға шықсаңыз, жылдамдық пен қашықтықты қатаң сақтаңыз.  
- Жел күшейгенде сымдар мен тербелетін заттардың маңына жақындамаңыз. Автобус аялдамаларының артына, ағаштардың астына жасырынбаңыз.  
- Төтенше жағдай туындаса, «101» немесе «112» нөмірлеріне хабарласыңыз.  

Қауіпсіздік шараларын ұстанып, өзіңізді және жақындарыңызды қорғаңыз!

ШҚО ТЖД