Қазақстан Республикасының Ұлттық Банкі базалық мөлшерлемені 16,5%-дан 18%-ға дейін көтерді. Бұл шешім инфляцияның өсуін тежеу және баға тұрақтылығын сақтау мақсатында қабылданды, деп хабарлайды Altainews.kz тілшісі.

Ұлттық банк мәліметінше, ақша-кредит саясатын қатаңдату — инфляцияның үдеуі, сұраныстың ұсыныстан асып түсуі және белсенді фискалдық саясатпен байланысты.

«Біздің басты мақсат – баға тұрақтылығын сақтау. Қажет болған жағдайда қосымша қатаң ақша-кредит шараларын қабылдауға дайынбыз», – деп хабарлады Ұлттық Банк.

Мұндай шешім несиелерді қымбаттатып, керісінше депозиттерді халық үшін тартымдырақ етеді. Бұл қадам инфляциялық қысымды азайтып, теңгенің тұрақтылығын қолдауға бағытталған.