Шығыс Қазақстан облысында пробация қызметінің инспекторлары сотталған азаматтарға электронды білезіктер тақты. Цифрлық мониторинг – пробация талаптарының орындалуын бақылаудың тиімді шараларының бірі. Ол қоғам қауіпсіздігін қамтамасыз етуге және сотталғандардың жауапкершілігін арттыруға мүмкіндік береді, деп хабарлайды Altainews.kz.

Құрылғы иесінің тұрған орнын нақты уақыт режимінде көрсетеді, бұл инспекторларға ықтимал құқықбұзушылықтарға жедел әрекет етуге және олардың алдын алуға жағдай жасайды.

ШҚО бойынша Қылмыстық атқару жүйесі департаментінің Сол жағалау аудандық пробация қызметінің аға инспекторы, аға лейтенант Каим Талғатұлының осылайша қатаң бақылау жүргізілетінін жеткізді.

Қазіргі уақытта Шығыс Қазақстанда 11 сотталған азаматқа электронды білезік тағылды.