ҚР Ауыл шаруашылығы министрі Айдарбек Сапаров Шығыс Қазақстан облысындағы тауар өндірушілермен кездеседі, деп хабарлайды Altainews.kz тілшісі.

Салалық ведомство басшысы өңірдегі бірқатар өндірістік және аграрлық нысандарды аралап, тұрғындармен және ауыл шаруашылығы тауар өндірушілерімен кездесу өткізеді.

Басты назар – егістік жинау науқанының қорытындылары және Шығыс Қазақстан облысының агроөнеркәсіптік кешенін дамыту шаралары. Айдарбек Сапаров жергілікті шаруалармен мемлекеттік қолдаудың тиімділігін, тұқыммен, тыңайтқышпен және техникамен қамтамасыз ету мәселелерін, сондай-ақ түрлі бағдарламалардың іске асырылуын талқыламақ.

Ауыл шаруашылығы өнімдерінің бағасының тұрақтылығына, өңірдің экспорттық әлеуетін арттыруға және келесі жылғы көктемгі егіс жұмыстарына дайындыққа ерекше назар аударылатын болады.