– Бүгінгі күні ұялы байланыс нарығында бес сауда белгісін иеленетін 3 оператор бар. Талдау қорытындысы бойынша елді мекендерді ұялы байланыс және Интернет желісіне қол жеткізу қызметтерімен қамтуда көрсетілген ұялы байланыс операторлары арасында теңгерімсіздік байқалмайды. Бұдан басқа, радиожиілік спектрін тиімді бөлу мақсатында, Халықаралық электр байланысы одағының ұсынымдарына сәйкес, осы жылдың мамыр айында Қазақстан Республикасының радиоқызметтері арасында барлық мақсаттағы радиоэлектронды құралдарға арналған 3 кГц-тен 400 ГГц-ке дейінгі жиіліктер ауқымында жиіліктер белдеуін бөлу кестесі қайта қаралды, – деп атап өтеді Үкімет басшысы жауабында.

– Әлемдегі халық тығыздығының көрсеткіштері төмен елдердің біріне жататына қарамастан, Қазақстан Біріккен Ұлттар Ұйымының «Телекоммуникациялық инфрақұрылым» индексі шеңберінде 65-ші орында. Осылайша, ағымдағы жағдайды ескерсек, елдегі ұялы байланыс нарығы бәсекеге қабілетті, – деді Әлихан Смайылов.