Өскемен–Риддер республикалық тасжолын жөндеу жұмыстары жүріп жатыр. Жол құрылысы екі айдан кейін, қазан айында толық аяқталып, қарашада пайдалануға берілмек, деп хабарлайды Altainews.kz тілшісі.

Бұл жол 11 елді мекенді облыс орталығымен байланыстырады. Былтыр оның 30 шақырымы жөнделсе, қазір қалған 75 шақырымында жұмыс жүргізілуде. Құрылысқа 100 адам мен 60 техника жұмылдырылған.

Мамандар ойлы-қырлы учаскелердің бетін тегістеуге ерекше назар аударуда. Сондай-ақ облыс басшылығының тапсырмасымен, таулы жолдың сапасына берілетін кепілдік мерзімі әдеттегі 2 жыл емес, 3 жыл болып бекітілді.