«Қазгидромет» ел бойынша 20-22 шілдеге арналған ауа райы болжамын жариялады.
Дерекке сүйенсек, алдағы күндері елдің бірқатар бөлігінде жаңбыр жауады деп болжанған, деп хабарлайды Altaynews Қазақпарат агенттігіне сілтеме жасап.

   "Қазақстанның басым бөлігі атмосфералық ауа ағындарының ықпалында болады. Соған байланысты күн күркіреп, жаңбыр мен бұршақ жауады. Қатты жел соғады. Елдің солтүстік-батысында, солтүстігінде, шығысында және оңтүстік-шығыстың таулы аудандарында нөсер жауын жауады. 21 шілдеден бастап елдің батысында солтүстік-батыс антициклонына байланысты жауын-шашын тоқтайды. Ауа температурасы түнде солтүстік, шығыс және орталық өңірлерде 10-18 градус жылы болады", - делінген синоптиктердің хабарламасында.