Риддер қаласында салынып жатқан жаңа ауруханада инсульт бөлімшесі және паллиативті көмек бөлімшесі,  егде жастағылар үшін геронтологиялық бөлімше  ашылатын болады, деп хабарлайды Altainews.kz тілшісі.

Риддер қалалық ауруханасының бас дәрігері Гүлнар Кітаппаеваның сөзіне қарағанда, аурухана кешенінің 500 кісіге дейін қабылдайтын емханасы биыл жыл соңына дейін, ал 200 орындық стационар 2025 жылы пайдалануға беріледі деп жоспарланған.

Гүлнар Социалқызы жаңа аурухана кешені міндетті түрде соңғы үлгідегі медициналық аспаптармен жарақтандырылатынын қосты.

Риддер ауруханасында дәрігерлердің тапшылығы да бар. Олар негізінен кардиолог, реаниматолог, хирург, педиатр сияқты бейінді мамандар. Өткен жылы екі жас маманды, биыл екі жалпы практика дәрігерін қызметке қабылдапты.

Бас дәрігер «Казцинк» компаниясының қолдауымен жас мамандарға бір миллион теңге көлемінде көтермеақы төленетінін,  жалдамалы баспана берілетінін  жеткізді. Қазір аурухана өз есебінен травмотолог,  реаниматолог,  офтальмолог мамандықтары бойынша бес маманды оқып жатыр.