Өскеменде көше шамдары жаңартылып жатыр
depositphotos.com
Биылғы 1 қыркүйектен бастап Өскемен қаласында көшелерді жарықтандыру жүйесін жаңарту бойынша ауқымды жұмыстар жүргізіліп жатыр, деп хабарлайды Altainews.kz тілшісі.
– Осы уақыт аралығында 559 шам ауыстырылып, 104 дана қыздыру шамы жаңасына алмастырылды. Жарықтандыруды жақсарту жұмыстары, әсіресе, мектептер, балабақшалар маңына, жаяу жүргіншілер өткелдері мен қиылыстарға ерекше назар аударуды талап етеді. Бұл – қауіпсіздік мақсатында жүзеге асырылып жатқан шаралар, – дейді жұмыс тобының жетекшісі Алексей Чемарев.
Мердігер ұйым – «РЦ ГЧП» акционерлік қоғамы қарқынды жұмыс істеуде. Осы кезеңде көше шамдарының жану көрсеткіші 15%-ға артқанын атап өтуге болады.
Модернизация барысында жіберілген қателіктерді түзету жұмыстары әлі де жалғасуда.
Оқи отырыңыз
