Құрметті шығысқазақстандықтар!

Сіздерді 2 қараша күні сағат 11:00-де Шығыс Қазақстан облыстық филармониясында өтетін «Алтайым сені жырлаймын» атты облыстық жыр мүшәйра-фестиваліне шақырамыз. Іс-шара ШҚО Мәдениет басқармасының қолдауымен «Шығыс Қазақстан облыстық филармониясы» КМҚК және Қазақстан Жазушылар Одағының ШҚО өкілдігінің ұйымдастыруымен өтеді.

Фестивальге облыстың ауыл-аймақтары мен қалаларынан келген ақындар қатысып, Алтай өңіріне арналған шабытты өлең-жырларын ұсынады. Ақындарымыздың өнерін тамашалап, шығармашылығынан рухани ләззат алуға мүмкіндік беретін бұл шара өңіріміздің мәдени өміріндегі жарқын оқиға болмақ.

Келіңіздер! Көріңіздер! Кіру тегін.

Өтетін орны: Шығыс Қазақстан облыстық филармониясы
Өтетін күні мен уақыты: 2 қараша, сағат 11:00.