ШҚО Экология департаментімен жасалған меморандумға сәйкес, қолайсыз метеорологиялық жағдай кезінде «Казцинк» өз өндірістік қуатын азайтады. Осындай тәжірибені облыс орталығындағы басқа да кәсіпорындарға енгізу қажет, деп есептейді халық қалаулылары.

Бүгін депутаттар өндірістік кәсіпорынға барып, жағдаймен танысты. Өскемен қалалық мәслихатының төрағасы Александр Светаштың айтуынша, ШҚО Экология департаментінің өкілдері олардың қатысуымен қажетті өлшеулер жүргізген. Нәтижелері кейінірек жарияланатын болады.

Депутаттар ШҚО Экология департаментімен бірлесіп, ірі кәсіпорындардың басшыларын қалалық мәслихаттың тұрақты комиссия отырысына шақыруды жоспарлап отыр. Ортақ шешімдер қабылдау арқылы қалдықтарды азайтуға бағытталған тиімді нәтижелерге қол жеткізу көзделуде.

Қуаныш Рахметоллаұлы

Фото: Махаббат Ахметжанова