2025 жылы Шығыс Қазақстан облысының Глубокое ауданындағы Белоусовка ауылында 150 орындық жаңа ауылдық клубтың құрылысы басталады. Бұл туралы тұрғындармен есептік кездесуде Шығыс Қазақстан облысы әкімінің міндетін атқарушы Нұрымбет Сақтағанов мәлімдеді.

Қазіргі таңда Глубокое ауданында 14 мәдениет үйі, 3 бос уақыт өткізу орталығы және 25 кітапхана жұмыс істеп тұр. Атап айтқанда, Черемшанка ауылындағы Мәдениет үйінде 10 үйірме жұмыс істейді, онда 82 адам қатысады. 2023 жылы 65 миллион теңгеге алты нысан жөнделді, оның ішінде Тарханка ауылындағы Мәдениет үйі, Предгорное ауылындағы бос уақыт өткізу орталығының кіреберіс тобы, Перевальное ауылындағы кітапхананың шатыры мен терезелері, сондай-ақ аудандық орталық кітапхананың қасбеті мен Глубокое кентіндегі көзі нашар көретін азаматтарға арналған кітапхананың терезелері жаңартылды. Бұдан бөлек, Прапорщиково, Кожохово, Прогресс және Черемшанка ауылдарындағы төрт ауылдық клубқа ағымдағы жөндеу жұмыстары жүргізілді.

Фото: Нелли Петенева