Кейбір автокөлік иелері мемлекеттік тіркеу нөмірлеріндегі сандардың уақыт өте өшу мәселесіне тап болады. Осыған байланысты кейбірі өшіп қалған символдарды өздігінен бояуды ойлайды. Бірақ бұл жағдайда әрекет заңды ма және айыппұл салынбай ма? деген заңды сұрақ туындайды. 

Әкімшілік полиция комитетінің мәліметінше, мұндай әрекет заң бұзушылық болып саналады.

Ведомство өкілдері мемлекеттік нөмірлердің техникалық регламенттер мен мемлекеттік стандарттарға сәйкес арнайы бояулармен жасалатынын атап өтті. Бұл бояулар жарықты шағылыстыруға және нөмірді, әсіресе, түнде жақсы көрінетін етуге мүмкіндік береді. Нөмірдің бетін өздігінен өзгерту осы стандарттарды бұзады.

«Сандарды немесе нөмірдің кез келген бөлігін өздігінен бояу әкімшілік құқық бұзушылық болып табылады және ол үшін айыппұл қарастырылған», — деп мәлімдеді полиция.

Егер нөмірдің оқылуы қиындаса, жүргізушілерге арнайы халыққа қызмет көрсету орталығына (спецЦОН) жүгініп, оны қайта шығаруға өтініш беру қажет. Тек осылайша мемлекеттік стандарттарға сәйкестікті сақтап, айыппұлдан құтылуға болады.