Бүгін “Арна Минералс” жауапкершілігі шектеулі серіктестігі бизнестің әлеуметтік жауапкершілігі аясында Зайсан аудандық әкімдігіне жаңа грейдер көлігін сыйға тартты. Құны 45 миллион теңгені құрайтын арнайы техниканың кілтін зауыт директоры Ерболат Уалханұлы салтанатты рәсім барысында ресми түрде табыстады,- деп хабарлайды Altainews.kz тілшісі.

Бұл игі іс Зайсан ауданының инфрақұрылымын жақсартуға және қысқы маусымда жол қозғалысының қауіпсіздігін қамтамасыз етуге зор септігін тигізеді. Грейдер қысқы қар күреу, жолдарды тазалау және тегістеу жұмыстарын жылдам әрі тиімді орындауға мүмкіндік береді.

Зайсан ауданы әкімдігі мен жергілікті тұрғындар осындай маңызды қолдау көрсеткені үшін “Арна Минералс” зауытына шынайы алғыс білдірді. Бизнестің әлеуметтік жауапкершілігі аясындағы бұл бастама жергілікті қауымдастықтың өмір сапасын арттыруға бағытталған маңызды қадамдардың бірі болып табылады.

“Арна Минералс” компаниясының бұл сыйы жергілікті инфрақұрылымды дамытудағы үлгілі әрекет ретінде бағалануда. Қоғамға бағытталған мұндай қолдау кәсіпкерлік пен мемлекеттік мекемелер арасындағы ынтымақтастықтың тиімді үлгісін көрсетеді.