«ҚазАвтоЖол» Ұлттық компаниясының мәліметінше, «Қалбатау–Майқапшағай» бағытындағы жол қозғалысы 2025 жылдың соңына дейін ашылады, деп хабарлайды Altainews.kz тілшісі.

Жоба аясында 16 көпір мен 100-ден астам су өткізу құрылғылары толық жаңартылып, заманауи стандарттарға сәйкестендірілуде.

Сондай-ақ, «Өскемен–Талдықорған» автожолының құрылысы аяқталып, қазіргі уақытта абаттандыру және жол бойындағы инфрақұрылымды жақсарту жұмыстары жүргізіліп жатыр.

Бұдан бөлек, келесі бағыттарда асфальт төсеу және жөндеу жұмыстары жүргізіледі:

    •    «Семей–Қайнар»,
    •    «Семей–Ресей Федерациясы шекарасы»,
    •    «Қарағанды–Аягөз–Тарбағатай–Боғас»,
    •    «Өскемен–Семей»,
    •    «Таскескен–Бақты».