Өскеменде World Skills Shygys 2025 аймақтық чемпионатының жабылу салтанаты өтті. Биылғы білгірлер чемпионаты ерекше мәнге ие. Биылғы чемпионат Президент Қасым-Жомарт Тоқаев жариялаған Жұмысшы мамандықтарының жылы аясында ұйымдастырылды. Жарыстың басты мақсаты – жұмысшы мамандықтарының беделін арттырып, жастар арасында танымал ету, деп хабарлайды  Altainews.kz тілшісі.

Жабылу салтанатында сөз сөйлеген ШҚО әкімі Нұрымбет Сақтағанов жастардың еңбек нарығындағы рөлін ерекше атап өтті.

Шараға облыстың 28 колледжі мен 38 құзыреттілік орталығы қатысты. Жалпы саны 170-тен астам жас маман өз білімін, шеберлігін ортаға салды. Чемпионаттың басты демеушісі – «Казцинк» компаниясы.

Чемпионаттың қорытындысы келесідей:

1-орынды – Өскемен қалалық жоғары политехникалық колледжі,
2-орынды – Риддер колледжі,
3-орынды – Өскемен қалалық көпсалалы технологиялық колледжі иеленді.

Барлық жүлдегерлер ШҚО әкімінің атынан оқу процесіне қажетті бағалы сыйлықтармен марапатталды. Сонымен қатар, жарыста шеберлігімен көзге түскен команда мүшелері де жекелей сыйлықтарға ие болды.

Фото: Махаббат Ахметжанова

Видео: Ермек Жиенбеков