Шығыс Қазақстандағы көпбейінді онкология және хирургия орталығы 2025–2028 жылдарға арналған ұлттық аккредитациядан сүрінбей өтіп, ең жоғары деңгейге ие болды, деп хабарлайды  Altainews.kz тілшісі.

Облыстық денсаулық сақтау басқармасының мәліметінше, бұл мәртебе – орталықта көрсетілетін медициналық көмектің сапасы, науқастардың қауіпсіздігі және басқару жүйесінің тиімділігі ұлттық талаптарға толық сай екенін білдіреді.

Ұлттық аккредитация – жай ғана атақ емес, бұл мекемеге науқастардың және медициналық сала мамандарының сенім артып отырғанының нақты белгісі.

Орталық өкілдері барлық бөлім қызметкерлеріне еңбегі үшін алғыс айтып, онкологиялық науқастарға көрсетілетін көмекті одан әрі жақсарту үшін жұмысты жалғастыра беретінін жеткізді.