05 тамыз күні сағат 20:00-ден бастап 06 тамыз таңғы 08:00-ге дейін Өскемен қаласында қолайсыз метеорологиялық жағдайлар күтіледі. Осыған байланысты екінші дәрежелі ескерту жарияланып отыр, деп хабарлайды Altainews.kz тілшісі.

Қолайсыз метеорологиялық жағдайлар (ҚМЖ) — ауаның ластануы сейілмей, қалада зиянды қоспалар шоғырлануы мүмкін деген сөз. Мұндай кезде әсіресе демікпе, аллергия және жүрек-қан тамырлары аурулары бар адамдарға далада көп жүрмеуге кеңес беріледі.

Мамандар халыққа денсаулығына мұқият болуға, қажетсіз көшеге шықпауға және балаларды далада ұзақ ұстамауға кеңес береді.