28 қаңтар күні сағат 17.00 шамасында Өскеменде жойқын жарылыстың дыбысы естілген еді, деп хабарлайды Altaynews тілшісі.

Алдын ала ескертусіз жасалып, тұрғындардың зәре-құтын қашырған бұл не жарылыс? Әдетте қандай да бір жарылыс жүргізілмес бұрын ТЖД тұрғындарға ескерту жариялайтын. Бұл жолы ешқандай хабар болмаған.

Ал жарылыстың жойқын дыбысы қаланың орталығында да, сыртындағы аудандарға да таралған.

Анықталғандай, жарылыс ЖМК (КШТ) ауданынан Қасым Қайсенов кентіне апаратын жолды кеңету мақсатында жоспарға сай жүргізілген жұмыстар екен.