Бүгін Өскемендегі «Ертіс концерт» Мәдениет сарайында облысы әкімінің жаңажылдық шырша мерекесі өтіп жатыр, деп хабарлайды Altaynews тілшісі.

Сиқырға толы мерекеге облыстың түкпір-түкпірінен барлығы 250 бала жиналыпты. Дәл осы Жаңа жыл қалашығынан ертегі кейіпкерлерінің бәрін кездестіруге болады. Шырша мерекесіне қатысып жатқан бұл балақайлар –оқуда озат, өнерде үздік шыққан кіл таланттар. Қатарының алды болған оқушыларға облыс әкімінің атынан бір-бір ноутбук табысталды.

- Бір аптадан кейін Жаңа жыл мерекесі. Сондықтан баршаңызды облыс әкімі Даниал Ахметовтің атынан құттықтаймын. Осында жиналған барлық балаға бүгін бір-бір ноутбуктан табыс етіледі. – деп атап өтті облыс әкімінің орынбасары Алмасхан Сматлаев.