Әлеуметтік желіде бейнежазба пайда болды. Видео авторы Аягөз қаласының маңында оталған ағаштарды түсіріпті. Оның айтуынша, табиғатқа мұндай зиянды мектеп оқуышлары келтірген екен, деп хабарлайды Алтайньюс тілшісі.

-Міне, мынау бізде Аягөздегі кішкене тоғай ғой. Талдары енді шығып жатыр. От жағамыз деп 11-ші сыныптың оқушылары ағаштарды кесіп тастапты. Кімдер екенін нақты білмейміз. Мынаған бір шара қолданбаса болмайды. Қараңыздар, қаншама жас талдарды отап тастаған. Не деген сұмдық! – дейді бейнежазба авторы.

Автор бұл жағдай жайлы әкімдікке хабар беріпті. 

- Оқиғаға қатысты іздестіру жұмыстары жүргізіліп жатыр, - деп мәлімдеді әкімдіктен.