4 наурыз: ШҚО-да +3 градус. Мамандар су тасқыны қауіпі бар екенін ескертті
Синоптиктер 4 наурыз күні Шығыс Қазақстанда су тасқыны болу мүмкін екенін мәлімдеді, деп хабарлайды Алтайньюс тілшісі.
Мамандар сөзіне сенсек, атмосфералық ағымдардың өтуіне байланысты 4 наурызда Қазақстанның басым бөлігінде ауа райы құбылмалы болады, жауын-шашын жауады.
Шығыс Қазақстанда күн жылы. Түнде сынап бағанасы бар болғаны 5-10 градус нөлден төмен, ал күндіз ауа температурасы +3 градусқа дейін жоғарылайды.
– Шығыс Қазақстан, Қарағанды, Қызылорда, Жамбыл, Түркістан, Алматы өңірлерінде қардың еруі мен жауын-шашын салдарынан су тасқыны қаупі бар, – деп жазылған «Қазгидромет» хабарламасында.
Оразай Жеңісұлы