Тәртіп сақшылары «Қауіпсіз жол» іс-шарасының қорытындысы туралы айтты.

Бес күн ішінде жол ережесі 3850 рет бұзылған, деп хабарлайды Altaynews тілшісі.

Соның ішінде жаяу жүргіншілер 948 рет тәртіп бұзған. Мас күйде көлік жүргізу бойынша 38 факті тіркелді. 100 жүргізуші жаяу жүргіншілерге жол бермеген, тағы 27 жүргізуші қарсы қозғалыс жолағына шығып кеткен.

«Жүзден астам көлікті пайдалануға тыйым салынды. Соның ішінде 44 көлік арнайы тұраққа қойылды. 70-тен астам көліктің мемлекеттік тіркеу нөмірі алынды», - деп мәлімдеді облыстық полиция департаментінің баспасөз қызметі.