Қазақстан қор биржасы (KASE) 15:30-дағы жағдай бойынша доллардың орташа сараланған бағамы 3,48 теңгеге төмендеп, 441,11 теңге болғанын мәлімдеді.

Қытай юанінің орташа сараланған бағамы аздап төмендеп, 61,24 теңге (-0,50) болды, деп хабарлайды Altaynews тілшісі Zakon.kz сайтына сілтеме жасап.

Еуро бағамын Ұлттық банк 487,64 теңге, рубльді 4,85 теңге деп белгіледі.

Ақша айырбастау орындарында доллар 444-447,5 теңгеден, еуро 486-490 теңгеден, Ресей рублі 4,89-5,13 теңгеден сатып алынып/сатылып жатыр.

Ал 11 шілдедегі саудада әлемдік мұнай бағасы сәл көтерілді.

 Мәселен, ICE Futures электронды саудасында Brent маркалы мұнайдың қыркүйектегі фьючерстерінің құны 0,86%-ға өсіп, барреліне 78,36 доллар болды.

 NYMEX электронды саудасында WTI маркалы мұнайдың тамыз айындағы фьючерстері барреліне 0,96%-ға өсіп, 73,69 доллар болды.