Ұлан ауданында үш адамға иіс тиіп, ауруханаға түсті
ШҚО ТЖД
Пештің түтін құбырларының уақтылы тазаланбауы салдарынан оқыс оқиға орын алды.
Гагарино ауылында үш адам көміртегі тотығымен уланды деген диагнозбен ауруханаға түсті, деп хабарлайды Altainews.kz тілшісі.
- Орталық көшелердің біріндегі тұрғын үйде түтін құбыры тазаланбаған жылыту пешін жағып, нәтижесінде көміртегі тотығы үйдің бөлмелеріне таралып, тұрғындар уланған, - деп хабарлайды ШҚО ТЖД. - 1966, 1991 жылғы екі ер адам және 1967 жылғы әйел ауруханаға жатқызылды.
ШҚО ТЖД тұрғындарға өрт қауіпсіздік ережелерін сақтауды ескертеді.
