Тұрақтандыру қорында жұмыртқа арзандады - ШҚО
Енді тұрғындар тұрақтандыру қорының дүңгіршектерінен І санатты жұмыртқаны 41 теңгеге ала алады.
Бұған дейін әлеуметтік-кәсіпкерлік корпорация мен «Алтай» көтерме-тарату орталығы арасында І санатты жұмыртқа өнімін жеткізу туралы келісімшарт жасаған болатын, деп хабарлайды Altainews.kz тілшісі.
- Былтырдан бері жұмыртқа 57 теңгеден сатылып келген. Мамыр айында жеткізуші тарап пен корпорация мамандары келіссөздер жүргізіп, аталмыш өнімді одан да төмендетілген бағамен сатуға келісті. Әлеуметтік маңызы бар азық-түлік бағасын тұрақтандыру бағдарламасының аясында 41 теңгеге арзандады, - делінген «Ертіс» әлеуметтік-кәсіпкерлік корпорациясы» АҚ хабарламасында.
Тұрақандыру қоры дүңгіршектерінің мекенжайын ӘКК ресми сайтында www.spkertis.kz баға тұрақтандыру бағдарламасы бөлімінен көруге болады.
Оқи отырыңыз