Мамырдың 2-сінен 3-іне қараған түні, ШҚО-ның таулы аудандарында жауған жаңбырдың арты сырғақ қарға ұласты. Марқакөл мен Риддерге жауған қардың қалыңдығы 3-5 сантиметрге жетті.

-Бұл табиғаттың аса бір кездейсоқ құбылысы емес. Мамыр айында бұл өңірлерге қардың түсуі қалыпты жағдай. Облыс аумағымен суық атмосфералық ауа ағындары өтіп барады. Жаңбыр мен сырғақ қар соның есебінен болды,-деп хабарлайды жергілікті «Казгидромет».