Семейде жол-көлік оқиғасы салдарынан 17 жастағы жігіт көз жұмды
Семей қалалық ІІБ баспасөз қызметінің басшысы Елубек Оспановтың мәлімдеуінше, 30-шы қарашада, Семей мемлекеттік медициналық университеті госпитальінің жансақтау бөліміне бас миынан көптеген жарақат алған 17 жастағы колледж студенті жеткізілген.
-Зардап шегуші госпитальге 30-шы қарашада түсті. Оны Өскемен көшесімен Көктем көшелерінің қиылысында,сағат 12:40-та «Рено Дастер» автокөлігі қағып кеткен,-деді Елубек Оспанов.
Ауыр бас ми жарақатын алып, есінен танған қалпы ауруханаға жеткізілген жігіттің өмірін сақтап қалу үшін дәрігерлер 9 күн жанталасты. Алайда ажалдан арашалай алмады. Қарашаның 9-нан 10-на қараған түні жас жігіт жан тәсілім етті.
Ал «Рено Дастер» автокөлігінің жүргізушісіне қатысты ҚР ҚК 345 бабы 1б.бойынша қылмыстық іс қозғалып тергеу амалдары басталды.
Оқи отырыңыз