Енді Әуезов даңғылын жаяу кесіп өтпек болсаңыз, «Колос» аялдамасы маңында абай болыңыз. Жолақ жабылып қалды. Бұған себеп – өткелдің жол қозғалысына кедергі келтіруінде.

Жаяу жүргіншілер жолағы автобус аялдамасына тым жақын орналасқандықтан, бұл жер - жол қозғалысына қауіпті аумақ ретінде қаралыпты. Жұмысшылар жол белгісін алып тастап, өткелді темір қашалармен те бекітіп тастады.

-Жүргіншілер өткелі қате орналасқан. Тәртіпке сәйкес, жолақ аялдаманың алдында емес артында тұруы керек. Біз жол-көлік оқиғаларының алдын алу және қала тұрғындарының қауіпсіздігін қамтамасыз ету мақсатында, ол жердегі жаяу өткелді мүлде алып тастадық,-дейді облыстық ІІД әкімшілік полиция басқармасы басшысының орынбасары Сергей Коваленко.

Тәртіп сақшылары сонымен бірге ол жермен жаяу өтуге тыйым салынатын жаңа белгі қойылатынын айтып, тұрғындарды жол бойында сақ болуға шақырды