Зайсан ауданында «Жаназа және жерлеу рәсімдері» мен «Жұма уағызы-III» атты кітаптардың тұсаукесері өтті.

Онда аудан тұрғындарын аталмыш оқулықтардың мазмұнымен таныстырған облыстық «Халифа Алтай» мешітінің наиб имамы Мәди Мұхтанов халықтың көкейінде жүрген сауалдарға жауап берді.

– «Жаназа және жерлеу рәсімдері» кітабын шығарудағы басты мақсат – еліміз бойынша діни рәсімдерді бірізділікке келтіру, ысырапқа, шариғатқа қайшы әдеттерге жол бермеу, – дейді Мәди Мұхтанов.

Жаназа шығару мен жерлеу рәсімдері сынды басқа да өзекті мәселелер талқыланған бұл шараға қатысқан аудандағы барлық мешіттің имамдарына аталған оқулықтар тегін таратылды.