Облыстық Халифа Алтай мешітінде Стамбулдан арнайы келген қари Өмер Күшік Балташоғлы бір ай бойы Құран қатым оқитын болады.
ҚМДБ мен Түркия дін істері басқармасы арасындағы ынтымақтастықты одан әрі дамыту мақсатында жасалған келісімшарт негізінде елімізге қасиетті Рамазан айында Құран қатым оқуға қарилар тобы келді. Облыстық «Халифа Алтай» мешітінің наиб имамы Дәулет Қабимолдинның айтуынша, түркиялық қариды өскемендік жамағат ерекше ықыласпен қарсы алған.
– Құранды басынан аяғына дейін жатқа білетін Өмер Күшік Балташоғлы өскемендіктермен тарауих намазына қатысып, көпшілікті құран нәрімен сусындатып жүр. Жалпы, Рамазан айында құран қатымды қариларға оқытқан дұрыс, - дейді Дәулет Қабимолдин.
Ажар Сағатбекова
