Майқапшағай кеден бекетінде құны тоғыз миллиард 800 мың теңгені құрайтын логистикалық орталық ашылады.
Ауданы әкімі Темірбек Қасымжановтың айтуынша, құрылысы үш жылға созылатын аталмыш нысанды салу үшін 20 гектар жер бөлінген.
– Қытайдан келген тауарлар Майқапшағай логистикалық орталығына түсіріліп, кейін оны Қазақстан арқылы Еуропаға экспорттайтын боламыз. Бұл орталыққа газ тартылып, қажетті құрал-жабдықтармен қамтамасыз етілетін болады. Логистикалық орталықты іске қосу арқылы 60-қа жуық адамды жұмыспен қамтимыз, - дейді Темірбек Қасымжанов.
Ажар Сағатбекова
