Қазақстанның кеденшілері бір аптаның ішінде 143,2 млн. теңгенің контрабандалық тауарын әшкереледі, деп хабарлайды Аltaynews.kz тілшісі ҚР ҚМ КБК баспасөз қызметіне сілтеме жасап.

2013 жылдың 14-20 қазан аралығында Қазақстан Республикасының кеден органдары жедел және қызметтік іс-қимылдарының нәтижесі бойынша 5 қылмыстық іс қозғады. Қозғалған қылмыстық істер бойынша тауарлардың құны 143 260 737 теңгені құрайды, келтірілген залал сомасы- 137 829 580 теңге.

Бір аптада 76 -әкімшілік іс қозғалып, 1 286 373 теңге айыппұл өндірілді.

Қазақстан Республикасының кеден органдары ағымдағы жылғы 9 айда 9,5 млрд. теңгеден артық соманың 552 қылмыстық ісін қозғады.