Семей қаласында Қазақстан футболының 100 жылдық мерейтойына арналып ерекше тақия тігілді, деп хабарлайды Аltaynews.kz тілшісі.

Тақияның төбесі футбол добы сияқты жабылып, жиегі қазақша ою-өрнекпен безендірілген. Қалалық дене шынықтыру және спорт бөлімінің басшысы Мұрат Күржикаевтың айтуынша, футбол тақиясының идеясын осы бөлімнің қызметкерлері ұсыныпты. Мерекеге арналып тігілген 200-ден астам бас киім негізінен құрметті қонақтарға сый-кәде ретінде тапсырылды.

Сонымен қатар бұған дейін Семейдегі жаңартылған «Спартак» стадионының жанына бір жақ шетіне тақия кигізілген футбол добының мүсіні қойылған болатын.