18-тамызда Өскемен қаласында ит спортының жарыстары ұйымдастырылады. Сайыстар Октябрь құрылығында сағат 10-00-де басталады деп жоспарланған, деп хабарлайды Аltaynews.kz тілшісі.
Ұйымдастырушылардың айтуынша, жарыстардың ашылу салтанатынан кейін жеті қазынаның бірі болып саналатын иттер 2 шақырымдық байкжорингте, 500 метрлік каникросста төзімділіктерін сынайды. Бағдарламада сонымен қатар иттер думаны қарастырылған. Онда төрт аяқты мақұлықтар кедергілерді алу, дауысты тыңдау сияқты өнерлерін көрсетеді. Балалар байқауында жануарлар балақайлардың күтушісі рөлін ойнайды.
Жарыс соңында жеңімпаздар естелік сыйлықтармен, қатысушылар дипломдармен марапатталады.