Қазақстанның үздік балуаны екенін дүйім жұртқа дәлелдеп, «Қазақстан барысы» атағын жеңіп алған Айбек Нұғымаров мінген ұшақ бүгін, 3-шілде күні сағат 8-50-де Өскемен қаласына келіп қонады.

Әуежайда даңқты жерлесімізді жергілікті билік өкілдері, БАҚ және барша спортсүйер қауым қарсы алмақ. Дәл осы жерде Айбек Нұғымаров журналистерге де сұхбат беруге әзір.

Сағат 15-00де амфитеатр алаңында Айбек Нұғымаровты дәріптеу салтанаты өтеді.

Естеріңізге сала кетсек, Айбек – бүкіл елдің балуандары жиналып, бақ сынасқан «Қазақстан барысы» жекпе-жегінің жеңімпазы. Чемпионатқа 32 балуан қатысып, ішінен ірі шыққан Айбек жерлесміз «Тайтұяқ» жүлдені, автокөлік пен 150 мың АҚШ долларын қалтасына басып қайтты.