Бесқарағай ауданында Астана қаласының 15 жылдығына орай 1-6 шілде аралығында әртүрлі іс-шаралар өткізу жоспарланған болатын. Соған орай Глуховка ауылдық округінде ауыл жастары «Жастар кадрлық резерві», «Жасыл ел», «Құрылыс жасақтары» тақырыбында дөңгелек үстел өткізді, деп хабарлайды Аltaynews.kz тілшісі.

Бұдан соң ауылдық округтер арасында марафон эстафета бастау алды. Қолдарына Қазақстанның туын ұстаған марафоншы жастар эстафетаны Канонерка ауылдық округінің жастарына тапсырды. Канонерка ауылының ауылдық клубында «Жұмыспен қамту бағдарламасы 2020» бағдарламасын түсіндіру және жазғы демалыс уақытында жұмысқа орналастыру бойынша жастар активі өткізілді.

Ал аудандық Мәдениет үйінің әртістері ауыл тұрғындарына мерекелік концерттерін ұсынып, ауылдастарына тамаша мерекелік көңіл-күй сыйлады.

Алдағы күндері эстефетаны Кіші Владимировка мен Беген ауылдық округтерінің белсенділері жалғастыратын болады.