Семей қаласындағы Ф.Достоевский атындағы мемлекеттік орыс драма театрының труппасы 18-20 сәуірде Астана қаласында өтетін гастрольге дайындық үстінде, деп хабарлайды Altaynews.kz тілшісі.
Көктемнің шуақты күндерінде семейлік артистер Астананың әр жастағы тұрғындары үшін бірнеше қойылым көрсетпекші: кішкене театралдар үшін «Волшевная хлопушка», ересектерге арналып «Гибель Отрара» поэтикалық спектаклі және «Он үшінші жұлдыз» атты аңыз сахналанады.
«Гибель Отрара» қойылымын алғашқылардың бірі болып 18-сәуірде Гумилев атындағы университеттің студенттері Тұңғыш Президенттің залының төрінде тамашалайды. Труппаны ЖОО-ның ректоры Ерлан Сыдықов арнайы шақырып отыр. 19-20-сәуірде осы туынды М.Горький атындағы орыс театрының сахнасында көрсетіледі.
Семейлік артистер Астанада осымен екінші рет өнер көрсетпекші. Осыдан 2 жыл бұрын Шығыс Қазақстанның Астанада өткен күндерінде Мольердің «Лекарь поневоле» пьесасын мәскеулік режиссер Михайл Али-Хусейннің қойылымымен ұсынған болатын.
А.Биданова
