Тамыз айының 11 мен 26-сы аралығында Қазақстанда алғашқы рет Өскемен қаласының Комсомол аралында «Судағы Цирк» шапитосы өз өнерін көрсетеді, деп хабарлайды Аltaynews.kz тілшісі.
Ағымдағы жылы Шығыс Қазақстан облысының мәдениет басқармасының бастамасымен «Халық дауысы» (мәдениет саласы бойынша ұсыныстар жинау) виртуалды акциясы өткізілген еді.
Аталмыш акция қорытындасы бойынша ең басты имиджді жобалар анықталды. Тұрғындар ұсыныстарының бірі - облыста цирк қойылымдарын ұйымдастыру болды. Осы ұсынысты есепке ала отырып, мәдениет басқармасымен шапито цирктарының гастролдік сапарлары ұйымдастырылды.
«Сезон «Браво!» жобасы аясында осы жылы облысымызға «Аңызға айналған Никулиннің циркі», «Еуро-Цирк» келіп, өскемендіктерге өз өнерлерін көрсетті.
