Лондон Олимпиадасында күш сынасып жатқан грек-рим күресінен Қазақстан құрамасының мүшесі Даниял Гаджиев қола медальға ие болды. Ол үшінші орын үшін таласта Иосиф Джугашвилиді ұпай санымен ұтты.
Ал боксшы Марина Вольнова (75 кг) жартылай финалға жолдама алып, медальдар ауылына қадам басты.
Ширек финалда Ұлыбритания құрамасының мүшесі Саванна Маршаллды 16:12 етіп ұтқан ол 8 тамыз күні болатын жартылай финалда АҚШ өкілі Кларесса Шельдспен қолғап түйістіреді. Осы арқылы Маринаның кемінде қола медальға қол жеткізгені белгілі болды.