Ел тәуелсіздігінің 20 жылдығына арнап естелік ретінде шығарылған 10 000 теңгелік банкнота Халықаралық банкноталық қоғамдастықтың (IBNS) байқауында "2011 жылдың үздік банкнотасы" ретінде танылды.
"Халықаралық банкноталық қоғамдастық әлемнің бірнеше ондаған жаңа банкнотасы ішінен Қазақстан банкнотасын жеңімпаз ретінде таныды, яғни купюра дизайны, идеологиясы, техникалық орындалуы мен қорғалуы үздік ретінде танылды", делінген Қазақстан Ұлттық банкісінен таралған хабарламада.
Дизайнын Ұлттық банктің дизайнерлері әріптестері De La Rue компаниясымен бірлесіп шығарған. Банкнота Ұлттық банктің Банкнота фабрикасында шығарылған.