Ресей теміржол тасымалы мекемелері 21 мамырдан жол жүру билеттерін несиеге сатуды бастамақ.
Жаңа қызмет түрі ұзақ қашықтыққа қатынайтын пойыздарға билет сатып алатын жолаушыларға ұсынылады. 25 мың рубльге дейін берілетін несиенің пайыздық үстемесі болмайды. Несие арқылы билетті Ресейдің мамандандырылған 76 кассасынан сатып алуға болады екен, деп хабарлайды Қазақпарат.
Несиені беру-бермеу туралы шешімді банк бар-жоғы 2 минуттың ішінде айта алады. Ал жол құжаттарын ресімдеу уақыты 20 минутқа ғана созылады.