Қоғамдық орындарда темекі тұқылы мен шекілдеуік қабығын жерге шашқан адамдарға бұдан былай 16 мың теңгеге дейін айыппұл салынады немесе 15 тәулікке дейін қамалатын болды, деп хабарлайды Шемонайха ауданының мамандандырылған әкімшілік сотының баспасөз қызметіне сілтеме жасаған Altaynews.kz тілшісі.
Әкімшілік жазаның бұл жаңа түрі азаматтардың, оның ішінде жастардың қоршаған ортаға жауапкершілікпен қарауы үшін тағайындалған.
Мәселен, қоғамдық орынға тұрмыстық қалдық төккен Шемонайха ауданының тұрғынына 16 180 теңге айыппұл салынды. Ал осы ауданның тағы бір тұрғыны «Бәйтерек» саябағында шекілдеуік шағып, қалдығын жерге шашқаны үшін екі тәулікке қамалды.