19-қаңтарда сағат 01:04 шамасында орталық байланыс пунктіне «Қазцинк» ЖШС күкірт қышқылы зауытындағы өрт жайлы хабарлама түсті, деп хабарлайды ШҚО ТЖД-не сілтеме жасаған Altaynews.kz.
Баспасөз қызметі хабарлағандай, күкірт қышқылы зауытынан өрт шығып, оқиға орнына тоғыз автоцистерна келген. Зерттеу барысында анықталғандай, жалпы аумағы 400 шаршы метр түйісу аппараты уақытша қоршауының гидрооқшаулауында өрт шыққан. Өртті сөндіруге 49 адам жұмылдырылып, зиянды заттардың жарылу қаупінің алдын алды. Зардап шеккендер жоқ. Сондай-ақ өндірістік цикл бұзылған жоқ. Кінәлі адамдар мен шығын анықталуда.