Қазақстан жол сапасының рейтингісі бойынша әлемнің 138 елінің ішінде 115-ші орында тұр, деп хабарлайды Алтайньюс тілшісі.

Дүниежүзілік экономикалық форум (ДЭФ) әлемдегі экономиканың жай-күйі туралы өз баяндамасында жыл сайын әлем елдеріндегі жолдардың сапасы туралы мәліметтерді жинайды. Автомобиль жолдарының сапасы Global Competitiveness Report жаһандық зерттеуінде өлшенетін көрсеткіштердің бірі болып саналады. Тізімге барлығы 138 ел енгізілген. Жол сапасы бойынша бірінші орынды Біріккен Араб Әмірліктері (БАӘ) алып отыр. Қазақстан 115-ші орынға шықты. Сондай-ақ Ресей мен Украина жол сапасы ең нашар елдер ретінде танылды.