Даниал Ахметов: Отан қорғаушылар мерекесі – ұрпақтар сабақтастығының жалғасы
Осылай деген облыс әкімі Даниал Ахметов 7 мамыр – Отан қорғаушылар күнінде барша шығысқазақстандықтарды бүгінгі мерекемен құттықтады.
Өңір басшысы Қазақстан Республикасы әскери қызметшілерінің бірлігі шынайы патриотизмнің үлгісі екенін атап өтті, деп хабарлайды Altaynews тілшісі.
– Бұл мереке еліміздің әскер саласының барлық буынын біріктіреді. Оның ішінде Қарулы Күштер ардагерлері мен қазіргі Қазақстан Армиясының қатарында қызмет жасайтындар және Қазақстан Республикасының қауіпсіздігін қамтамасыз ететіндер бар. Сіздердің ұйымшылдықтарыңыз, қызметке адалдықтарыңыз, ортақ күшке деген сенімділіктеріңіз бен батылдықтарыңыз – нағыз отансүйгіштіктің үлгісі. Отан қорғаушылар күні құтты болсын! – деді Даниал Ахметов.
Айта кетейік, бүгін облыс орталығында Отан қорғаушылар күніне арналған барлық іс-шара қаланың сол жағалау бөлігінде орналасқан этнопаркте өтіп жатыр.
Оқи отырыңыз
