Өскемен қаласының полиция қызметкерлері түнгі рейдке шықты.

Тәртіп сақшылары ойын-сауық мекемелерінде жасөспірімдердің болмауын қадағалайды, деп хабарлайды Altaynews тілшісі.

«Іс-шара кезінде қызметкерлер компьютер клубтарын, интернет-кафелерді, караоке-барларды, түнгі клубтарды тексереді. Оған қоса көпқабатты тұрғын үйлердің ауласын, саябақтарды, скверлерді аралайды», - деп мәлімдеді қаланың полиция басқармасы.

Кәмелетке толмағандар түнде заңды өкілсіз үйден тыс болған жағдайда ата-ана және қандай да бір мекеменің иесі әкімшілік жауапқа тартылады.